काठमाडौँ । प्रधानसेनापति अशोक राज सिग्देलसँग नेपाल भ्रमणमा रहेका भारतीय स्थल सेनाध्यक्ष जनरल धीरज सेठले भेटवार्ता गरेका छन् ।
सोमबार जङ्गी अड्डामा भएको शिष्टाचार भेटघाटमा आपसी हित र पारस्परिक सम्बन्धका विषयमा छलफल भएको नेपाली सेनाले जानकारी दिएको छ ।
सेठ आइतबार अपराहन्न काठमाडौँ आएका हुन् । उनलाई आजै शीतल निवासमा आयोजना गरिने विशेष समारोहकाबीच राष्ट्रपति रामचन्द्र पौडेलबाट नेपाली सेनाको मानार्थ महारथीको दर्जा प्रदान गरिने कार्यक्रम रहेको छ । भ्रमणका क्रममा उनले उच्चस्तरीय भेटवार्ता गर्ने बताइएको छ ।
