काठमाडौँ । राष्ट्रिय प्रजातन्त्र पार्टीले आज विश्वासको मत लिन लागेका बागमती र लुम्बिनी प्रदेशका सरकारको विश्वासको मतसम्बन्धी प्रक्रियामा तटस्थ बस्ने निर्णय गरेको छ ।
पार्टीले दुवै प्रदेशका संसदीय दलका नेतालाई प्रदेश सभा सदस्यलाई सोहीअनुसार ह्विप जारी गर्न निर्देशन दिएको प्रवक्ता मोहन कुमार श्रेष्ठले जानकारी दिएका छन् ।
प्रदेशमा सरकार गठनसम्बन्धी विषयमा पार्टीले अर्को निर्णय नगरेसम्म राप्रपा तटस्थ रहने निर्देशनमा उल्लेख छ ।
राप्रपाका बागमतीमा १२ र लुम्बिनीमा ४ सांसद रहेका छन् ।
