कपिलवस्तु । कपिलवस्तुको विजयनगर गाउँपालिका -०४ जगदिशपुरबाट पेस्तोल सहित तीन जनालाई पक्राउ परेका छन् ।
कपिलवस्तुको कृष्णनगर नगरपालिका –०८ बहादुरगन्जका स्थानियलाई गाउँघरमा डर, धम्की देखाउँदै पेस्तोल बोकेर हिँडिरहेको भन्ने जानकारी प्राप्त भएपछि उनीहरूको खोजी गर्ने क्रममा विजयनगर गाउँपालिका –०४ जगदिशपुरबाट पेस्तोल सहित तीन जनालाई पक्राउ गरिएको हो ।
पक्राउ पर्नेमा जिल्ला कपिलवस्तु, कृष्णनगर नगरपालिका –०५ डबरा बस्ने २३ वर्षीय आषिश पाण्डे, जिल्ला कपिलवस्तु, कृष्णनगर नगरपालिका –०८ दयानगर बस्ने २१ वर्षीय जितेन्द्र मौरिया र सोही स्थानका १९ वर्षीय विनोद कश्यप रहेका छन् ।
उनीहरूको साथबाट पेस्तोल एक थान र लु. ६१ प. ७०७२ नम्बरको १२५ सीसीको मोटरसाइकल समेत बरामद गरिएको र घटनाबारे थप अनुसन्धान भइरहेको प्रहरीले जानकारी दिएको छ ।
