तेहरान, १९ साउन । अमेरिका र इरानबीचको वार्ताको प्रगति अस्पष्ट रहँदा यस हप्ताको सुरुमा बाब अल मन्दब र स्ट्रेट अफ होर्मुजको प्रमुख खाडी जलमार्गहरूमा ढुवानी ट्राफिक धेरै हदसम्म कम रहेको छ।
केप्लरको शिपिंग तथ्याङ्कले सोमबार बाब अल मन्दब स्ट्रेटबाट २० जहाजहरू, जसमा १२ ट्याङ्करहरू र ८ बल्क वाहकहरू गुज्रेका थिए, जुन अघिल्लो दिनको तुलनामा स्थिर रहेको देखाएको छ। यी २० क्रसिङ जहाजहरूमध्ये कुल १२ले निकास गरेका थिए भने ८ भित्र प्रवेशहरू थिए । जसमध्ये धेरैजसो ट्रान्सपोन्डरहरू अन रहेका जहाजहरू थिए।
अमेरिका र इरानबीचको वार्तामा कुनै पनि प्रगति हुने सम्भावना अनिश्चित देखिएको छ। इरानको विदेश मन्त्रालयका प्रवक्ता इस्माइल बाघाईले सोमबार बताएअनुसार अमेरिकासँग कुनै वार्ता भइरहेको छैन र कुनै बैठक पनि तय गरिएको छैन। अमेरिकी राष्ट्रपति डोनाल्ड ट्रम्पले आइतबार युद्ध अन्त्य गर्ने तथा होर्मुज जलसन्धिको नियन्त्रणसम्बन्धी विवाद सुल्झाउने उद्देश्यले भइरहेका वार्ताहरूलाई मध्यनजर गर्दै इरानमाथि नयाँ आक्रमण नगर्ने निर्णय गरेको बताएलगत्तै यो जानकारी आएको हो।
केप्लरको तथ्याङ्क अनुसार सोमबार होर्मुज जलसन्धि भएर ६ वटा पानीजहाज, जसमा तीनवटा ट्याङ्कर र तीनवटा बल्क क्यारियर, मात्र आवतजावत गर्दा त्यहाँको आवागमन सुस्त नै रह्यो, जबकी अघिल्लो दिन यस्तो संख्या सात थियो। यी ६ वटा जहाजहरूमध्ये पाँचवटा प्रवेश गरेका र एउटा बाहिरिएका थिए । ती सबैले इरानी जलमार्गको प्रयोग गरेका थिए।
केही जहाजहरू आफ्ना ट्रान्सपोन्डरहरू बन्द गरेर अझै पनि यात्रा गरिरहेका हुन सक्छन्, जसलाई यस गणनामा समावेश गरिएको छैन।
साउदी जहाजहरूलाई लक्षित गर्ने यमनको हुथी आन्दोलनको धम्कीका कारण प्रमुख जलमार्गहरूमा जहाजमाथि आक्रमणको जोखिमले गर्दा ढुवानीसम्बन्धी गतिविधिमा सावधानी अपनाइएको छ । यसै क्रममा साउदी झण्डाबाहक केही सुपरट्यांकरहरूले अडेनको खाडीमा आफ्नो मार्ग परिवर्तन गरी दक्षिणी अफ्रिकातर्फ मोडिएका छन्।
