काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा ५ जनाको मृत्यु भएको छ भने १२५ जना घाइते भएका छन् ।
नेपाल प्रहरीले दिएको जानकारी अनुसार दुर्घटनामा बागमती, कोशी, मधेश, लुम्बिनी र गण्डकी प्रदेशमा एक एक जनाको मृत्यु भएको छ ।
त्यस्तै देशभर भएका दुर्घटनामा १२५ जना घाइते भएका छन् । जस अनुसार मधेश प्रदेशमा २६ जना घाइते भएका छन् भने काठमाडौँ उपत्यकामा २३ जना घाइते भएका छन् । त्यस्तै कोशीमा २८ जना, बागमतीमा १३ जना घाइते भएका छन् भने लुम्बिनीमा १८ जना, सुदूरपश्चिममा ७ जना, गण्डकीमा १ जना र कर्णालीमा ९ जना घाइते भएका छन् ।
