काठमाडौँ । बालकुमारीस्थित ‘न्यु फेमिलि गर्ल्स होस्टेल’मा खानामा किरा भेटिएपछि ३ लाख जरिवाना गरिएको र छात्रावास सिलबन्दी गरिएको छ ।
खानामा किरा भेटिएको र छात्रालाई धम्की दिइएको भन्ने गुनासो सामाजिक सञ्जालमार्फत प्राप्त भएपछि जिल्ला प्रशासन कार्यालय काठमाडौँ र प्रहरी प्रभाग कोटेश्वरको संयुक्त टोलीले छात्रावासमा अनुगमन गर्दा सरसफाइको अवस्था कमजोर रहेको तथा खाद्य सामग्री अस्वस्थ अवस्थामा राखिएको पाइएको प्रहरीले बताएको छ ।
अनुगमनका क्रममा प्रचलित कानुनबमोजिम छात्रावास सञ्चालकलाई ३ लाख रुपैयाँ जरिवाना गरिएको र छात्रावासलाई सिलबन्दी गरिएको जिल्ला प्रशासन कार्यालयले जनाएको छ ।
