काठमाडौं, १ भदौं । पत्रकार किशोर श्रेष्ठको बन्दी प्रत्यक्षीकरणको निवेदनमा आज पेशी तोकिएको छ ।
सर्वोच्च अदालत प्रशासनका अनुसार जनआस्था साप्ताहिकका सम्पादकसमेत रहेका श्रेष्ठको निवेदन न्यायाधीशद्वय नहकुल सुवेदी र बालकृष्ण ढकालको संयुक्त इजलासमा परेको छ ।
वैयक्तिक गोपनीयता हननको अभियोगमा गत बुधवार पक्राउ परेका श्रेष्ठलाई साउन २९ गते न्यायाधीश ढकालको एकल इजलासले श्रेष्ठ र उनका बरामद सामानसहित भदौ १ गते सर्वोच्च अदालतमा उपस्थित गराउन आदेश दिएको थियो ।
पत्नी सरस्वतीले हालेको निवेदन अनुसार अब केही बेरमा पत्रकार श्रेष्ठलाई अदालतमा उपस्थित गराईदैछ । उनको पक्राउपछि पत्नी सरस्वती श्रेष्ठले बिहीबार सर्वोच्चमा रिट दर्ता गराएकी थिइन् ।
