काठमाडौं । प्रधानमन्त्री बालेन शाहले प्रतिनिधि सभामा दिएको सीमासम्बन्धी अभिव्यक्तिको विरोधमा विपक्षी दलहरूले प्रतिनिधि सभा बैठकमा विरोधलाई निरन्तरता दिएका छन् ।
बिहीबारको बैठक सुरूहुना साथ पक्षी दलहरूका सांसदहरूले सिटबाट उठेर विरोध जनाएका थिए ।
त्यसपछि बोल्न समय पाएका सांसदहरु हरिनादेवी कामी, यशोदा कुमारी बराल र भीम कुमारी बुढा मगरले प्रधानमन्त्रीले संसदमै आएर आफ्नो अभिव्यक्ति सच्याउनुपर्ने माग गरेका थिए । त्यस्तै राप्रपा सांसद खुस्बु ओलीले प्रधानमन्त्रीलाई संसदबाटै आफ्नो भनाई सच्याउन आग्रह गर्दै सत्ता पक्षका सांसद यस विषयमा मौन रहेकोप्रति इतिहासले त्यसको मुल्यांकन गर्ने चेतावनी दिएकी छन् ।
गत जेठ १८ गते प्रतिनिधिसभा बैठकमा प्रधानमन्त्री बालेनले भारतले मात्रै नभइ नेपालले पनि भारतको जग्गा मिचेको अभिव्यक्ति दिएपछि विपक्षी दलहरूले लगातार संसद बैठकमा विरोध गर्दै आएका छन् ।
