धनगढी । जापानिज इन्सेफलाइटिस संक्रमण र मृत्यु बढेपछि कैलालीका धनगढी उपमहानगरपालिका, लम्किचुहा र घोडाघोडी नगरपालिकामा आजदेखि विशेष खोप अभियान सुरु भएको छ ।
अभियानमा ३० वर्ष वा सोभन्दा माथिका व्यक्ति तथा स्वास्थ्यकर्मीलाई जापानिज इन्सेफलाइटिसविरुद्ध खोप दिइँदैछ । स्वास्थ्य तथा खाद्य स्वच्छता मन्त्रालयका अनुसार चालु आर्थिक वर्षमा देशभर १२१ जनामा संक्रमण पुष्टि भएको छ भने २६ जनाको मृत्यु भएको छ । संक्रमितमध्ये ८५ प्रतिशत र मृतकमध्ये सबैले खोप नलगाएको पाइएको मन्त्रालयले जनाएको छ ।
मन्त्रालयले लक्षित समूहलाई खोप लगाउन आग्रह गर्दै लामखुट्टेको टोकाइबाट बच्न आवश्यक सावधानी अपनाउन र संक्रमणका लक्षण देखिए तत्काल स्वास्थ्य संस्थामा जान अनुरोध गरेको छ ।
