धनकुटा । धनकुटाको साँगुरीगढी गाउँपालिका–७ फेदीबाट प्रहरीले एक हजार २४० किलो ६ सय ग्राम गाँजासहित ट्रक बरामद गरेको छ ।
गएराति करिब ११ बजे कोशी लोकमार्गमा नेपाल प्रहरी र सशस्त्र प्रहरीको संयुक्त टोलीले धनकुटाबाट भेडेटारतर्फ जाँदै गरेको ना.४ ख ५२७ नम्बरको ट्रकलाई जाँचका लागि रोक्न खोज्दा चालक ट्रकबाट हाम फालेर फरार भएका थिए ।
शंकास्पद लागेपछि ट्रक जाँच गर्दा भित्र लुकाएर राखिएको अवस्थामा ठूलो परिमाणमा गाँजा फेला परेको प्रहरीले जनाएको छ। फरार चालकको खोजी भइरहेको छ भने घटनाबारे थप अनुसन्धान भइरहेको प्रहरीले जनाएको छ ।
