काठमाडौं, १८ भदौ । रसुवामा आएको बाढीमा ३४ देशका करिब ५९० विदेशी नागरिक अझै बेपत्ता रहेको परराष्ट्र मन्त्रालयले जनाएको छ। उनीहरूको खोजी तथा उद्धारका लागि नेपाली सेनाको समन्वयमा भारत, चीन, दक्षिण कोरिया र अमेरिकाका विशेषज्ञ टोली फिल्डमा खटिएका छन्।
जलविद्युत् आयोजनाका सुरुङमा फसेकाहरूको उद्धारका साथै शव पहिचान र डीएनए परीक्षणमा भारत तथा सिङ्गापुरका फोरेन्सिक टोलीले सहयोग गरिरहेका छन्। मन्त्रालयका अनुसार हालसम्म तीन सयभन्दा बढी विदेशीसहित ११ हजार ९९३ जनाको उद्धार गरिएको छ भने एक हजार ११४ जनाको शव फेला परेको छ। अझै करिब तीन हजार ९०० जना बेपत्ता छन्।
यसैबीच, सीमा क्षेत्रमा अड्किएका मानसमरोवर-कैलाश यात्रुमध्ये करिब दुई हजार ५०० जना नेपाल फर्किसकेका छन्। केरुङमा रहेका नेपाली र कन्टेनर सुरक्षित ल्याउन चिनियाँ पक्षसँग समन्वय भइरहेको छ। सरकारले उद्धार र राहतका लागि अन्तर्राष्ट्रिय समुदायसँग बेलिब्रिज, फ्रिजर, डीएनए किट तथा ड्रोन उपलब्ध गराउन आग्रह गरेको छ।
