काठमाडौँ । भारतका केन्द्रीय स्वास्थ्य तथा परिवार कल्याणमन्त्री जेपी नड्डालाई अस्वस्थ भएपछि नयाँदिल्लीस्थित एम्स अस्पतालमा भर्ना गरिएको छ।
नड्डाले असहज महसुस गरेपछि उनलाई तत्काल अस्पताल लगिएको थियो । विशेषज्ञ चिकित्सकको टोलीले परीक्षणका क्रममा मुटुसम्बन्धी समस्या देखिएको एम्सले जानकारी दिएको भारतीय मिडियाहरुले उल्लेख गरेका छन् । उनको एन्जियोग्राफी गरिएको र अहिले अवस्था स्थिर रहेको बताइएको छ ।
नड्डालाई अस्पतालको मुटुरोग उपचार विभागमा विशेष निगरानीमा राखिएको छ । चिकित्सकहरूको टोलीले उनको स्वास्थ्य अवस्थामाथि निरन्तर निगरानी गरिरहेको छ भने महत्वपूर्ण शारीरिक अवस्थाको नियमित जाँच भइरहेको छ ।
अस्पतालमा चौबीसै घण्टा चिकित्सकहरूको निगरानीमा उपचार भइरहेको उल्लेख छ ।
