पाण्डेले सेनाका जवान थर्काए पछि प्रधानसेनापति पुगे प्रधानमन्त्री भेटन सिंहदरवार
काठमाडौं, १९ साउन । प्रधानमन्त्री बालेन्द्र शाह र प्रधानसेनापति अशोकराज सिग्देलबिच सिंहदरवारमा भेटवार्ता भएको छ।
आज बिहान ११ बजे प्रधानमन्त्रीलाई भेट्न सिग्देल सिंहदरबारस्थित प्रधानमन्त्रीको कार्यालय पुगेका थिए। तर, सो भेटबार्ता छोटो समयका लागि मात्रै भएको थियो । सो भेट पछि प्रधानमन्त्री शाहले सुदुरपश्चिमका सांसदहरूसँग सामुहिक छलफल गरेका छन ।
पछिल्लो समय देशको तराई क्षेत्रमा दुई समुदायबिच विवाद देखिएको, गोकर्णेश्वरमा नेपाली सेनाको ब्यारेक रहेको स्थान भत्काउन प्रधानमन्त्री शाह निकट सांसद राजुनाथ पाण्डे आफैँ फिल्डमा गएको तथा प्रधानमन्त्री शाह र प्रधानसेनापति सिग्देल बिच बढदो दुरी कायम रहेको बेला यो भेटघाट भएको हो, जुन अर्थपुर्ण रहेको छ ।
प्रधानमन्त्री भेट्न प्रधानसेनापति सिग्देल सिंहदरबार पुगे पनि के विषयमा छलफल भयो भन्ने विषयमा जानकारी बाहिर आएको छैन । सो अघि गतसाता राष्ट्रिय सुरक्षा परिषद्को बैठकमा प्रधानमन्त्री शाह र प्रधान सेनापति सिग्देल बिच औपचारिक भेटबार्ता भएको थियो ।
नेपाली सेनाका प्रवक्ता सहायक रथी राजाराम बस्नेतले प्रधानमन्त्रि र प्रधानसेनापति बिच नियमित भेटघाट भएको प्रारम्भिक प्रतिक्रिया दिएका छन् ।
