चितवन । मुग्लिन–नारायणगढ सडकखण्डअन्तर्गत सिमलताल नजिक आज बिहान पहिरो खस्दा अवरुद्ध भएको सडक पुनः सञ्चालनमा आएको छ ।
सडक डिभिजन कार्यालय भरतपुरका अनुसार बिहान खसेको पहिरो हटाएपछि उक्त सडकखण्डमा सवारीसाधनको आवागमन पुनः सुचारु गरिएको हो ।
यसअघि पहिरोका कारण केही समयका लागि दुवैतर्फको यातायात अवरुद्ध भएको थियो । पहिरो हटाउने कार्य सम्पन्न भएपछि सडकमा सवारी आवागमन सामान्य रूपमा सञ्चालनमा आएको कार्यालयले जनाएको छ ।
