बलिवुड अभिनेता शरद कपूरलाई सहयोग अगाडी आए सलमान र सोनू सूद

ब

काठमाडौं । कठिन आर्थिक तथा स्वास्थ्य समस्याबाट गुज्रिरहेका बलिवुड अभिनेता शरद कपूरलाई अभिनेता सलमान खान र सोनू सूदले सहयोग गरेका छन् ।

अखिल भारतीय सिने कामदार सङ्घले सलमानले शरदलाई आर्थिक सहयोग गरेको र सोनू सूदले भेटेर स्वास्थ्य उपचारमा सहयोग गर्ने र पुनः चलचित्र क्षेत्रमा काम गर्ने अवसरबारे छलफल गरेको बताएको छ ।

सङ्घले शरदको कठिन समयमा सहयोगका लागि अघि आएका दुवै अभिनेताको प्रशंसा गर्दै चलचित्र क्षेत्रका कलाकारले सुखदुःखमा एकअर्कालाई साथ दिनुपर्ने बताएको छ । 

हालै एक भिडियो मार्फत फिल्म जोश फेम अभिनेता कपुरले आफ्नो स्वास्थ्य अवस्था कमजोर रहेको र आर्थिक संकटबाट गुज्रिरहेको खुलासा गरेका थिए । उनले बलिउड फिल्म उद्योगका वरिष्ठ कलाकार तथा सहकर्मीसँग आर्थिक, मानसिक र भावनात्मक सहयोग माग्दै आफू पुनः काममा फर्किएर आत्मनिर्भर बन्न चाहेको भन्दै उनले कामको अवसरसमेत उपलब्ध गराइदिन आग्रह गरेका थिए ।

About the author

Srijana Puri
By Srijana Puri
नेप प्रेस एक प्रमुख अनलाइन समाचार पोर्टल हो, जसले नेपालभित्रका र अन्तर्राष्ट्रिय खबरहरू छिटो, सटीक, र निष्पक्ष रूपमा सम्प्रेषण गर्ने उद्देश्य राख्छ। यो अनलाइन पत्रिका डिजिटल प्लेटफर्ममार्फत पाठकहरूलाई समाचार, विचार, विश्लेषण, मनोरञ्जन, खेलकुद, र जीवनशैलीसँग सम्बन्धित सामग्रीहरू प्रस्तुत गर्छ।