सुर्खेत । सुर्खेतको वीरेन्द्रनगर नगरपालिका-१० बुलबुले स्थित भिजिट कर्णाली दोहोरी साँझबाहिर सामान्य विवादका क्रममा खुकुरी प्रहार हुँदा एक जना घाइते भएका छन् ।
घाइते हुनेमा वीरेन्द्रनगर-४ कालागाउँ बस्ने ३३ वर्षीय जीवन कुमार शाही रहेका छन् । उनको कर्णाली प्रदेश अस्पताल, कालागाउँमा उपचार भइरहेको छ र अवस्था मध्यम रहेको छ ।
खुकुरी प्रहारमा संलग्न वीरेन्द्रनगर-९ का १९ वर्षीय रोशन शाही, पञ्चपुरी नगरपालिका-८ का १८ वर्षीय भरत बोगटी र अर्का १६ वर्षीय किशोरलाई एक थान खुकुरी सहित पक्राउ गरिएको र अर्का एकजना प्रतिवादी फरार रहेका छन् । प्रहरीले घटनाबारे थप अनुसन्धान भइरहेको जनाएको छ ।
