काठमाडौँ । नेकपा एमालेकी नेतृ पदमा अर्यालले आफुहरुको नाम जोडिएका फाइल खोल्न सरकारलाई चुनौती दिएकी छन् ।
सोमबार प्रतिनिधि सभाको बैठकमा बोल्दै अर्यालले अर्थमन्त्रीले बजेटमाथि उठेका प्रश्नको जवाफ दिनेक्रममा फाइल खोल्छु भन्दै धम्की दिएको आरोप लगाउदै अर्यालले आफुहरुको नाम जोडिएका फाइल खोल्न चुनौती दिएकी हुन् ।
उनले सबैभन्दा पहिला गिरिबन्धु चियाको फाइल खोल्न आग्रह गर्दै सत्य बाहिर ल्याउन आग्रह गरिन, साथै उनले फाइलको नाममा नधम्काउन चेतावनी दिदै अत्यधिक बहुमतको सरकारले सबै फाइल खोलेर सत्य तथ्य बाहिर ल्याउन सरकारलाई आग्रह गरेकी छन् ।
उनले प्रधानमन्त्रीको सीमा सम्बन्धि अभिव्यक्तिको विषयमा आफुहरुको विरोध कायम रहेको स्पष्ट गर्दै बजेट पार्टी गर्ने प्रक्रियाका लागि मात्र आफुहरुले विरोधको स्वरूप परिवर्तन गरेको बताएकी छन् ।
