काभ्रे । काभ्रेको खानीखोला गाउँपालिका–१ स्याउलीथलीमा बोलेरो जीप सडकबाट करिब २०० मिटर तल खस्दा दुई जनाको घटनास्थलमै मृत्यु भएको छ भने तीन जना गम्भीर घाइते भएका छन्।
पनौती–तालढुङ्गा भित्री सडकखण्डअन्तर्गत स्याउलीथलीमा नम्बर नखुलेको बोलेरो जीप सडकबाट खसेर दुर्घटना भएको हो ।
दुर्घटनामा जीपमा सवार हाल नाम, थर र ठेगाना नखुलेका दुई जनाको मृत्यु भएको प्रहरीले जनाएको छ। अन्य तीन जना गम्भीर घाइते भएका छन् । घटनास्थलमा उद्धारका लागि प्रहरी टोली र एम्बुलेन्स परिचालन गरिएको छ । दुर्घटनाको थप विवरण खुल्न बाँकी रहेको प्रहरीले जनाएको छ ।
