मुम्बई, ३१ साउन । बलिउड अभिनेता गोविन्दा लामो समय देखि आफ्नो व्यक्तिगत जीवनलाई लिएर चर्चामा छन्।
उनको नाम प्रायः अभिनेत्री कोमल रानीसँग जोडिँदै आएको छ र उनीहरूबीचको कथित सम्बन्धबारे सञ्चारमाध्यममा व्यापक चर्चा चलिरहेको छ।
यसैबीच, उनीहरू दुई पटक विमानस्थलमा सँगै देखिएका थिए। सुनिता आहुजाले अभिनेतामाथि कडा आक्रोश पोखिन् र अभिनेत्री कोमललाई पनि छोडिनन्, उनले गोविन्दालाई कोमलको ‘सुगर ड्याडी’ सम्म भनिन्, जसले अभिनेतालाई आक्रोशित बनाएको छ। आउनुहोस्, यस विषयमा उनले के भने, त्यो जानौं।
सामाजिक सञ्जालमा गोविन्दाको एउटा भिडियो सार्वजनिक भएको छ, जसमा उनी सुनिता आहुजाको ‘सुगर ड्याडी’ सम्बन्धी भनाइमा प्रतिक्रिया दिँदै देखिएका छन्। ‘इन्स्ट्यान्ट बलिउड’ को इन्स्टाग्राम पेजमा सेयर गरिएको उक्त भिडियोमा उनी आफ्नी श्रीमती सुनिता आहुजालाई हप्काउँदै गरेको देखिन्छन्।
गोविन्दा भन्छन्, ‘देशका सबैजसो ठूला कलाकारहरूले युवा महिलाहरूसँग काम गरेका छन्। मानिसहरूको मनमा मेरो जुन स्थान छ, त्यसलाई गुमाउने अवस्था सिर्जना गर्न तिमीले कुनै कसर बाँकी राखेकी छैनौ।’
सुनिता आहुजाको ‘सुगर ड्याडी’ सम्बन्धी टिप्पणीमा थप प्रतिक्रिया दिँदै गोविन्दा भन्छन्, ‘ख्याति, सम्मान र धन सम्पत्ति यी सबै कुरा सर्वशक्तिमान्ले प्रदान गर्नुभएको हो। यसको अर्थ यो होइन कि आफूसँग यी कुरा नभएका व्यक्तिहरूलाई अपमान गरियोस्। मानिसले आफ्नो सीमा भित्र रहनुपर्छ।’
सामाजिक सञ्जालमा गोविन्दाको एउटा भिडियो भाइरल भइरहेको छ, जसले मानिसहरूबाट व्यापक प्रतिक्रिया बटुलिरहेको छ।
हालै मात्र गोविन्दा र कोमललाई फेरि विमानस्थलमा देखे पछि सुनिता आहुजाले पापाराजी प्रति प्रतिक्रिया जनाइन्। उनले भनिन्, ‘प्रचार प्रसार हुनका लागि त पहिले चलचित्र बन्नुपर्छ, होइन र ? चलचित्र बनिसके पछि मात्र त्यसको प्रचार हुन्छ। के भन्नु र ? उनी आफ्नै छोरीको उमेरकी युवतीसँग हिँडिरहेका छन् ? उनलाई अलिकति त लाज लाग्नुपर्ने हो, केही त मर्यादा हुनुपर्छ नि।’
कोमललाई लक्षित गर्दै सुनिताले थप भनिन्, ‘तिम्रो ‘सुगर ड्याडी’ यति धनी छन्, कम्तीमा राम्रा लुगा त लगाऊ। हाम्रो शैली हेर त। तिम्रो यो कस्तो हालत हो ? तिमीले होस गुमाइसकेकी छौ।’ उनको यो भनाइ भाइरल भयो।
