नक्कली प्रमाणपत्र रहेका अनुसन्धान अनुसन्धान अधिकृतविरुद्ध मुद्दा दायर

न

काठमाडौं । राष्ट्रिय अनुसन्धान विभागमा कार्यरत प्रमुख अनुसन्धान अधिकृत रामबाबु प्रसाद चौधरीविरुद्ध झुट्टा तथा नक्कली शैक्षिक प्रमाणपत्र पेस गरेको आरोपमा विशेष अदालत काठमाडौंमा आरोपपत्र दायर गरिएको छ ।

चौधरीले सेवा प्रवेश तथा बढुवा र पदस्थापनका लागि भारतको बिहार इन्टरमिडिएट एजुकेसन काउन्सिलबाट जारी भएको देखिने आईए तहका विभिन्न शैक्षिक प्रमाणपत्र पेस गरेको अनुसन्धानबाट खुलेको अख्तियार दुरुपयोग अनुसन्धान आयोगले जनाएको छ ।

उनले पेस गरेका प्रमाणपत्रमा प्राप्ताङ्क विवरण, अस्थायी प्रमाणपत्र, कलेज छाडेको प्रमाणपत्र, आचरण प्रमाणपत्र र स्थानान्तरण प्रमाणपत्र रहेका छन् । ती प्रमाणपत्र झुट्टा तथा नक्कली रहेको र तिनकै आधारमा उनी प्रमुख अनुसन्धान अधिकृत (राजपत्राङ्कित द्वितीय श्रेणी) सम्म बढुवा तथा पदस्थापन भएको आयोगको दाबी छ ।

नक्कली प्रमाणपत्रका आधारमा सरकारी पद, लाभ तथा सुविधा प्राप्त गरेको भन्दै चौधरीविरुद्ध साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ (१) अनुसार सजाय माग गरिएको छ ।

आयोगले उनलाई कैद र जरिवाना सजाय हुनुपर्ने मागदाबीसहित विशेष अदालतमा आरोपपत्र दायर गरेको जनाएको छ ।

About the author

Srijana Puri
By Srijana Puri
नेप प्रेस एक प्रमुख अनलाइन समाचार पोर्टल हो, जसले नेपालभित्रका र अन्तर्राष्ट्रिय खबरहरू छिटो, सटीक, र निष्पक्ष रूपमा सम्प्रेषण गर्ने उद्देश्य राख्छ। यो अनलाइन पत्रिका डिजिटल प्लेटफर्ममार्फत पाठकहरूलाई समाचार, विचार, विश्लेषण, मनोरञ्जन, खेलकुद, र जीवनशैलीसँग सम्बन्धित सामग्रीहरू प्रस्तुत गर्छ।