त्रिभुवन विमानस्थलबाट एक किलो २०३ ग्राम सुनसहित चिनियाँ नागरिक पक्राउ

त

काठमाडौं । त्रिभुवन अन्तर्राष्ट्रिय विमानस्थलबाट १ किलो २०३ ग्राम ७६ मिलिग्राम सुनसहित एक चिनियाँ नागरिक पक्राउ परेका छन् ।

प्रहरीका अनुसार चीनको जिलिन स्थायी ठेगाना भएका ४८ वर्षीय जियानहुआ वाङलाई शंकास्पद गतिविधिका आधारमा जाँच गर्ने क्रममा उक्त सुन फेला परेको हो । उनी नेपाल वायुसेवा निगमको उडान नम्बर आरए ४१० मार्फत हङकङबाट काठमाडौं आएका थिए ।

जाँचका क्रममा उनले प्लास्टिकमा बेरिएको सुनजस्तो देखिने पहेँलो गोलाकार अर्धठोस पदार्थ चारवटा आफ्नो मलद्वारभित्र लुकाएर ल्याएको पाइएको प्रहरीले जनाएको छ। उक्त पदार्थ भन्सार क्षेत्र पार गरी बाहिर निस्कने क्रममा बरामद गरिएको हो ।

पक्राउ परेका वाङलाई आवश्यक अनुसन्धान तथा कानुनी कारबाहीका लागि त्रिभुवन विमानस्थल भन्सार कार्यालय, गौचरमा पठाइएको प्रहरीले जनाएको छ ।

About the author

Srijana Puri
By Srijana Puri
नेप प्रेस एक प्रमुख अनलाइन समाचार पोर्टल हो, जसले नेपालभित्रका र अन्तर्राष्ट्रिय खबरहरू छिटो, सटीक, र निष्पक्ष रूपमा सम्प्रेषण गर्ने उद्देश्य राख्छ। यो अनलाइन पत्रिका डिजिटल प्लेटफर्ममार्फत पाठकहरूलाई समाचार, विचार, विश्लेषण, मनोरञ्जन, खेलकुद, र जीवनशैलीसँग सम्बन्धित सामग्रीहरू प्रस्तुत गर्छ।