काठमाडौँ, ८ असोज। नेकपा (एमाले) ले पूर्वराष्ट्रपति विद्यादेवी भण्डारीलाई ‘वरिष्ठ सम्मानित नेता’ बनाएएसँगै उनको वरीयताक्रम दोस्रो स्थानमा रहने भएको छ।
यस निर्णयसँगै अध्यक्ष केपी शर्मा ओलीपछिको दोस्रो वरीयतामा रहेका वरिष्ठ उपाध्यक्ष रामबहादुर थापा ‘बादल’ भने तेस्रो स्थानमा पुगेका छन्।
बिहीबार बसेको एमाले सचिवालय बैठकले भण्डारीलाई पार्टीको वरिष्ठ सम्मानित नेता बनाउने प्रस्ताव गरेको थियो। लगत्तै सोही दिन बसेको केन्द्रीय कमिटी बैठकले उक्त प्रस्ताव सर्वसम्मत रूपमा अनुमोदन गरेको हो।
